لو ستك هيك شو ح تعمل

    شاطر

    زهرة نيسان
    مشرف
    مشرف

    انثى
    عدد المساهمات : 1041
    العمر : 26
    رقم العضوية : 23
    تاريخ التسجيل : 09/07/2008
    احترام قوانين المنتدى :

    default لو ستك هيك شو ح تعمل

    مُساهمة من طرف زهرة نيسان في 8/11/2008, 11:04

    تخيل انى دى جدتك كنت هتعمل معاها ايه


    منك لله يا ستي!!






    الله أكبر الله أكبر..أذان الظهر..


    يارب.. يارب بحق ده الآدان تنجح يا نون يابن ابنى وأشوفك دكتور أد الدنيا -

    ياستى بس أنا فى تجارة-

    وماله يابنى هو يكتر على ربنا...... ده ربنا قادر على كل شئ -

    ياستى ونعم بالله بس اللى بيطلع دكتور لازم يكون فى كلية الطب مش التجارة-

    ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا-

    ياستى التجارة اللى فى الوكالة حاجة واللى فى الكلية حاجة تانية-

    ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق-

    جدى إيه اللى هايخدنى معاه .....ده جدى مات من زمان ياستى-

    يامصيبتى عبد الواحد مات..ياحبيبى ياأخويا..مكنش يومك ياسبعى-

    ياستى ده ميت من تلتين سنة-

    تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

    ياستى حرااام عليكى عايز أذاكر بقى-

    يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون-

    ياستى دبلون إيه..أسمه البكالوريوس-

    أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون-

    خلاص دبلوم دبلوم ياستى ..سيبينى بقى عشان أذاكر -

    -ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان

    ياستى عبير دى معاها أعدادية-

    -وماله يابنى ...الراجل مايعبهوش إلا جيبه

    راجل ...راجل مين ياستى...عبير دى بنت -

    -عبير ...عبير مين ياوله..أنته بتعرف بنات من ورانا

    لا إله إلا الله....أبوس رجلك ياستى أرحمينى بقه -

    -طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

    -ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

    صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان-

    حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره -

    لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى-

    خلاص روحى المطبخ ...أهو زمان أمى خلصت الرز-

    رز...رزإيه يابنى....هوأنا ليه سنان للرز...أناهطلع البلكونه أحسن-

    طب أبقى خلى بالك م الهوى ياستى-

    هوى لما يلطشك-

    الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها

    ياترى أنا كان إسمى إيه؟؟ ياترى كان إسمى إيه؟؟




    يااااااارب يعجبكم
    ويكون فى عون اللى عندة جدة كدا




    للامانه الموضوع ده منقول
    بس بجد لو دى ستك تعمل ايه

    Mashmosha
    مشرف
    مشرف

    انثى
    عدد المساهمات : 2054
    العمر : 22
    رقم العضوية : 22
    تاريخ التسجيل : 09/07/2008
    احترام قوانين المنتدى :

    default رد: لو ستك هيك شو ح تعمل

    مُساهمة من طرف Mashmosha في 8/12/2008, 12:22

    ههههههههههههههههههههههههههه
    يسلموووووووووو
    تحياتي..

    Dandona
    مراقب
    مراقب

    انثى
    عدد المساهمات : 2738
    العمر : 25
    رقم العضوية : 20
    تاريخ التسجيل : 06/07/2008
    احترام قوانين المنتدى :

    default رد: لو ستك هيك شو ح تعمل

    مُساهمة من طرف Dandona في 8/12/2008, 13:24

    ههههههههههههههههههههههههههههههههههه
    ههههههههههههههههههههههههههه
    هههههههههههههههههههههه
    هههههههههههههه
    مشكورة ناااااااااااايس والحمد الله ما عندي ست متل هيك

    زهرة نيسان
    مشرف
    مشرف

    انثى
    عدد المساهمات : 1041
    العمر : 26
    رقم العضوية : 23
    تاريخ التسجيل : 09/07/2008
    احترام قوانين المنتدى :

    default رد: لو ستك هيك شو ح تعمل

    مُساهمة من طرف زهرة نيسان في 8/12/2008, 14:30

    شكرا ع المرور صبايا

    ameer
    المدير العام
    المدير العام

    ذكر
    عدد المساهمات : 3589
    العمر : 26
    رقم العضوية : 1
    تاريخ التسجيل : 27/05/2008
    احترام قوانين المنتدى :

    default رد: لو ستك هيك شو ح تعمل

    مُساهمة من طرف ameer في 8/30/2008, 00:33

    هههههههههههههههههههههههههههههههههههههههههههههههههههههه


    يسلموووووووووووووووووو ايدك نايس على الموضوع
    وبانتظار المزيد

      الوقت/التاريخ الآن هو 12/2/2016, 22:30